احدث الاخباركورةكورة محلية
أخر الأخبار

محمد عطوة يشن الهجوم على نادي بيراميدز

كشف محمد عطوة مدافع الاتحاد السكندري السابق وبيراميدز الحالي، أنه تعرض للإصابة في بداية مشواره مع ناديه السابق بيراميدز بسبب الجهاز الطبي.

وعلق محمد عطوة مدافع نادي الاتحاد السكندري سابقاً وبيراميدز حالياً لبرنامج “الماتش”مع الإعلامي هاني حتحوت عبر شاشة صدى البلد: “اول ماتش في الدوري قصاد إنبي كنت إحتياطي، وبعدها جالي إصابة، الجهاز الطبي الي مش عاوز أقول أنه مش كويس كان هو سبب إصابتي”.

وتابع: “اشتكيت من آلام و الجهاز الطبي قالي عادي أنزل اتمرن ولما نزلت اتصابت، اتعالجت وبعدين نزلوني بدري ف اتصابت تاني”.

وواصل: “واجهت تجاهل غريب، في شهر يناير بدأت اتأهل برة النادي واستاذنت النادي اني اخرج اتأهل برة، بعد ما خلصت التأهيل برة، جه حد في منصب مستشار فني للنادي وبعدها مسك مدير فني بشكل مؤقت، لقيته طلب مني فيديوهات علشان يشوف مستوايا ودي حاجة غريبة جدًا، بعدها المسؤول الي جابني بيراميدز كلمني وانا مصاب بعد فترة طويلة من التجاهل ومحدش كان بيكلمني ولا بينزل خبر ان في اصابة، وكلمني يتطمن علشان يعرف آخر تطوراتي بسبب وجود عرض لعبد الله بكري من السعودية، الجهاز الفني كان بيقول استبعادي لأسباب فنية وانا مصاب اصلا”.

وأكمل: “تجاهلوني أثناء اصابتي، في الوقت الي في لاعب تاني جاله إصابة في الخلفية النادي قرر يسفره الامارات يتعالج وانا اتعرضت للإصابة مرتين محدش سأل فيا”.

وأتم تصريحاته: “المركز الإعلامي مكنش بينزلي صور مع الفرقة، واتكلمت مع المسؤولين وبعدها بدأوا ينزلوا ليا صور مع اللعيبة عادي، مش عارف إيه السبب لكل ده”.

مقالات ذات صلة

زر الذهاب إلى الأعلى